السلام عليكم ورحمة الله وبركاته..
الاحبة الكرام..
موضوع من زمان نفسى اعرف ايه الحكاية فيه بس زاد اوى لما لقيت موقف غريب جدا وقلت لازم افهم بقى فى ايه بالظبط..
مول من المولات اللى فى الكويت دخل فى محل فيه احد معارفنا.. دخل يشترى بنطلون جينز.. شافه وعجبه.. سال على سعره.. البياع قالله طب قيسه الاول.. قاسه وعجبه وسأل على سعره تانى راح قالله انت هتاخود كام واحد..راح قالله لو سعره مناسب انا هاخد اتنين.. راح البياع قالله
سعره 92 دينااااااريعنى بالمصرىالف وثمنماااائةةاربعين جنيها فقط لاغيربنطلون جينز واحد
طبعا راح اللى كان هيشترى بص للواد اللى بيبيع وطلع من المحل..من غير ما ينطق بحرف واحد..
راح الواد شده وقال له طب تعال بس عايزه بكام وانا اخفضلك سعره(البياع مصرى )..
راح اللى بيشترى قالله اصلك هتنزلى فى سعره كام؟؟ عشرة عشرين..خمسييين..
راح البياع قالله طب بس ادخل تعال..
قال له ايه رايك اديلك البنطلونين ب 28 دينار(ثمانية وعشرون دينارا لا غير)وقالله الصراحة الاسعار دى احنا بنحطها عشان فى فئة معينة لو قولنالهم الواحد ب 14 دينار مش هيشتروا وهيطلعوا من المحل وهم بيقولوا علينا اننا محل اى كلام ومش هنعرف نبيع حاجة
فبنضطر نرفع الاسعار الارتفاع الرهيب ده عشان يشتروا وبالفعل بيشتروا بالاسعار دى.. لانهم بيدوروا على انهم يقولوا انا لابس بنطلون بكذا ...
طب يا جماعة انا عايزة افهم بس.. يعنى كلنا اكيد متفقين ان اللى بيشتروا بالطريقة دى فهم ناس سفهاء ده امر مفروغ منه..
لكن انا سؤالى عن البياع..
هل البياع ياثم انه يعمل كده؟؟
وللا هو محدود باللى ينجح تجارته طالما انه مش بيغصب حد على الشراء..
وربنا يغنى فقراء المسلمين.. ويعقل اغنياء المسلمين ويمتعهم بما اعطاه لهم من خيرات بالخير وفى الخير..اللهم امين..